Stocks To Buy: ഇന്ത്യൻ ഓഹരി വിപണികളുടെ തളർച്ച തുടരുകയാ്ണ്. പിന്തുണ കേന്ദ്രങ്ങൾ ഒന്നും തന്നെ നിക്ഷേപകർക്ക് അനുകൂലമായി പ്രവർത്തിക്കുന്നില്ല. ആഗോള വിപണികൾ ഏറെ കലുഷിതമായ്. ഇസ്രായേൽ- ഹമാസ് യുദ്ധം ഏതു നിമിഷവും മിഡിൽ ഈസ്റ്റിനെ ബാധിക്കുമെന്ന ആശങ്ക നാൾക്കുനാൾ വർധിച്ചുവരുന്നു. കമ്പനിയുടെ വരുമാന കണക്കുകൾക്കൊന്നും നിക്ഷേപകരെ പിടിച്ചു നിർത്താൻ സാധിക്കുന്നില്ല. വിദഗ്ധർ പോലും 'Sell On Rise' തന്ത്രം നിർദേശിക്കുന്നു. അതേസമയം ദീർഘകാല ലക്ഷ്യങ്ങളുള്ളവർക്ക് ഒരോ താഴ്ചയും അവസരങ്ങൾ സൃഷ്ടിക്കുന്നുവെന്നാണു വിദഗ്ധർ പറയുന്നത്.

പണപ്പെരുപ്പം, വിദേശ സ്ഥാപന നിക്ഷേപകരുടെ കൊഴിഞ്ഞുപോക്ക്, ഇന്ത്യൻ രൂപയുടെ തളർച്ച, ഡോളറിന്റെ കുതിപ്പ്, ബോണ്ട് വരുമാന വർധന, എണ്ണവില, യുദ്ധം, യുറോപ് തളർച്ച... ഓഹരി വിപണികൾ വരും സെഷനുകളിലും തളർച്ച തുടരാനാണു സാധ്യത കൂടുതൽ. വിരലിൽ എണ്ണാവുന്ന ദിവസങ്ങൾക്കുള്ളിൽ ഇന്ത്യൻ സൂചികകൾ മൂന്നു ശതമാനത്തിലേറെ ഇടിഞ്ഞു. കഴിഞ്ഞ അഞ്ചു സെഷനിലും സൂചികകൾ കടുത്ത ചുവപ്പാണ് കണ്ടത്.

നിലവിലെ സാഹചവര്യത്തിൽ വിദഗ്ധർ കൂടെ കൂട്ടാൻ നിർദേശിക്കുന്ന 3 ഓഹരികളുടെ വിവരങ്ങളാണ് താഴെ പറയുന്നത്. 52 ആഴ്ചയിലെ ഉയർന്ന നിലവാരത്തിൽ നിന്ന് ഏകദേശം 20 ശതമാനം വരെ കിഴിവിൽ ഈ ഓഹരികൾ ലഭ്യമാണ്. ലാർജ് ക്യാപ് വിഭാഗത്തിൽ ഉൾപ്പെടുന്ന ഈ 3 ഓഹരികളിൽ, വില കൊണ്ട് കുഞ്ഞനായ ഒരു ഓഹരിയും ഉൾപ്പെടുന്നു. അവസരങ്ങൾ അറിഞ്ഞ് നീങ്ങാം.

ഭാരത് ഇലക്ട്രോണിക്‌സ് ലിമിറ്റഡ് (Bharat Electronics Limited)

വില കുറഞ്ഞ താരത്തിൽ നിന്നു തന്നെ തുടങ്ങാം. ഏകദേശം 97,731 കോടി രൂപയാണ് വിപണി മൂല്യം. നിലവിൽ 127 രൂപ റേഞ്ചിലാണ് വ്യാപാരം പുരോഗമിക്കുന്നത്. പ്രതിരോധ മേഖലയിലെ മികച്ച കമ്പനികളിൽ ഒന്നാണ്. ഓഹരി 2023 സെപ്റ്റംബറിൽ 52 ആഴ്ചയിലെ മികച്ച ഉയരമായ 147.15 ൽ എത്തിയിരുന്നു. നിലവിൽ ഓഹരി 13 ശതമാനത്തോളം കിഴിവിൽ ലഭ്യമാണ്. ദീർഘകാല നിക്ഷേപകർക്ക് മികച്ച തിരഞ്ഞെടുപ്പുകളിൽ ഒന്നാകും ഇത്.

Also Read: Stocks For Today: നഷ്ടം കടുക്കാം, 'Sell On Rise' നിര്‍ദേശിച്ച് വിദഗ്ധര്‍; 2 ഓഹരികള്‍ വില്‍ക്കണം, 7 എണ്ണം വാങ്ങാം

ഏഷ്യൻ പെയിന്റ്‌സ് ലിമിറ്റഡ് (Asian Paints Limited)

ഓഹരിയെ പറ്റി പ്രത്യേകിച്ച ഒരു മുഖവരയുടെ ആവശ്യം തന്നെ ഇല്ല. 2.97 ലക്ഷം കോടി രൂപയാണ് വിപണി മൂല്യം. ഇന്ത്യയിലെ ഏറ്റവും വലിയ ഹോം ഡെക്കർ കമ്പനിയാണ്. നിലവിൽ 3,014 രൂപ റേഞ്ചിലാണ് വ്യാപാരം പുരോഗമിക്കുന്നത്. കമ്പനിയുടെ സ്റ്റോക്ക് 2023 ജൂലൈയിൽ 52 ആഴ്ചയിലെ ഉയർന്ന നിലവാരമവയ 3,568 രൂപ രേഖപ്പെടുത്തിയിരുന്നു. ഇതുപ്രകാരം നിലവിൽ ഓഹരി 16 ശതമാനത്തോളം കിഴിവിൽ ലഭ്യമാണ്. ദീർഘകാലത്ത് ഓഹരിക്ക് മികച്ച നേട്ടം സമ്മാനിക്കാൻ സാധിക്കും.

പിഡിലൈറ്റ് ഇൻഡസ്ട്രീസ് ലിമിറ്റഡ് (Pidilite Industries Limited)

ഇന്ത്യയിലെ മുൻനിര കമ്പനികളിൽ ഒന്ന്. 1.20 ലക്ഷം കോടി രൂപയാണു വിപണി മൂല്യം. പശ, സീലന്റ്, പോളിമർ എമൽഷൻ വിപണിയിൽ ശക്തമായ ബ്രാൻഡാണ്. നിലവിൽ 2,302 രൂപ റേഞ്ചിലാണ് ഓഹരി വ്യാപാരം പുരോഗമിക്കുന്നത്. കമ്പനിയുടെ സ്റ്റോക്ക് 2022 ഡിസംബറിൽ 52 ആഴ്ചയിലെ ഉയർന്ന നിലവാരമായ 2,796 രൂപയിൽ എത്തിയിരുന്നു. നിലവിലെ ഓഹരി വില 18 ശതമാനത്തോളം കഴിവിനെ സൂചിപ്പിക്കുന്നു. വിപണികൾ ഉണരുന്നതോടെ ഓഹരി കുതിക്കുമെന്നാണു വിലയിരുത്തൽ.

(മുകളിൽ പറഞ്ഞ കാര്യങ്ങൾ നിലവിൽ ലഭ്യമായ വസ്തുതകൾ അടിസ്ഥാനമാക്കിയാണ്. ഇത് ഓഹരി വാങ്ങാനോ, ഒഴിവാക്കാനോ ഉള്ള നിർദേശമല്ല. നിക്ഷേപകരുടെ അറിവിലേക്കായാണ്. ഓഹരി നിക്ഷേപങ്ങൾ വിപണികളിലെ ലാഭ- നഷ്ട സാധ്യതകൾക്കു വിധേയമാണ്. അതിനാൽ നിക്ഷേപങ്ങൾ സ്വന്തം ഉത്തരവാദിത്വത്തിൽ വേണം.)

pudukad news puthukkad news