സ്കൂട്ടറില്‍ കറങ്ങി നടന്ന് അനധികൃതമായി മദ്യ വില്‍പ്പന നടത്തുന്ന യുവാവിനെ എക്സൈസ് പിടികൂടിയത് സാഹസികമായി.രഹസ്യ വിവരത്തെ തുടർന്ന് നടത്തിയ പരിശോധനയില്‍ തൃശ്ശൂർ താലൂക്ക് മാടക്കത്തറ വില്ലേജ് ചെട്ടിക്കാട് ദേശത്ത് തറയില്‍ വീട്ടില്‍ വിനീഷ് ആണ് അറസ്റ്റിലായത്.5 ലിറ്റർ ഇന്ത്യൻ നിർമ്മിത വിദേശദ്യവും യുവാവിന്റെ പക്കല്‍ നിന്നും എക്സൈസ് പിടിച്ചെടുത്തു. ഇയാള്‍ മദ്യവില്‍പ്പനക്ക് ഉപയോഗിച്ച ഹോണ്ട ആക്ടീവ സ്കൂട്ടറും എക്സൈസ് പിടിച്ചെടുത്തു. കോലഴി എക്സൈസ് റേഞ്ച് ഇൻസ്പെക്ടർ നിധിന് രഹസ്യവിവരം ലഭിച്ചിരുന്നു. തുടർന്ന് അസിസ്റ്റന്‍റ് എക്സൈസ് ഇൻസ്പെക്ടർ കെ.എം. സജീവും സംഘവും നടത്തിയ പരിശോധനയിലാണ് പ്രതി പിടിയിലായത്.
0 Comments