ലുലു ഗ്രൂപ്പില് തൊഴില് നേടാൻ ആഗ്രഹിക്കുന്നവർക്ക് ഇതാ വലിയ അവസരം. കൊച്ചിയിലെ ലുലു മാളിലാണ് ഒഴിവുകള്യ കേരളത്തിലെ വിവിധ ജില്ലകളില് നിന്നും ജോലി അന്വേഷിക്കുന്നവർക്ക് നേരിട്ട് അഭിമുഖത്തില് പങ്കെടുക്കാനുള്ള മികച്ച അവസരമാണിത്.സൂപ്പർവൈസർ, സെയില്സ് സ്റ്റാഫ് (സ്ത്രീ/പുരുഷൻ), ഷെഫ് ഡി പാർട്ടി, കമ്മീസ്, ടെയിലർ, ഫിഷ് മംഗർ, കാഷ്യർ, റൈഡ് ഓപ്പറേറ്റർ, സെക്യൂരിറ്റി സ്റ്റാഫ്, ഹെല്പ്പർ തുടങ്ങിയ ഒട്ടനവധി വിഭാഗങ്ങളില് ഒഴിവുകള് ഉണ്ട്. ആധുനിക റീട്ടെയില് മേഖലയില് ഒരു കരിയർ തുടങ്ങാൻ ആഗ്രഹിക്കുന്ന ഫ്രഷേഴ്സ് ഉള്പ്പെടെ പലർക്കും ഈ വാക്ക്-ഇൻ അഭിമുഖം പ്രയോജനപ്പെടുത്താം. വിശദാംശങ്ങള് അറിയാം
അവശ്യ യോഗ്യതകളും പരിചയവും
സൂപ്പർവൈസർ (25-35 വയസ്):
റോസ്റ്ററി, സ്റ്റേഷനറി, ഫ്രൂട്ട്സ് & വെജിറ്റബിള്സ്, ഗ്രോസറി ഫുഡ് മേഖലകളില് കുറഞ്ഞത് 3 വർഷം അനുഭവം വേണം. റീട്ടെയില് വിഭാഗങ്ങളുടെ ദിനേനയുള്ള പ്രവർത്തനങ്ങള് നിയന്ത്രിക്കാനും, സ്റ്റാഫിനെ കോഡിനേറ്റ് ചെയ്യാനും, ഉപഭോക്താക്കളുമായി മികച്ച രീതിയില് ഇടപെടാനും കഴിവുള്ളവർക്ക് മുൻഗണന ലഭിക്കും.
സെക്യൂരിറ്റി വിഭാഗം
സെക്യൂരിറ്റി സൂപ്പർവൈസർ, ഓഫീസർ, ഗാർഡ്, സിസിടിവ ഓപ്പറേറ്റർ തസ്തികകളിലേക്ക് രണ്ട് വർഷത്തിന് മുകളില് പ്രവർത്തിപരിചയം നിർബന്ധമാണ്. വലിയ സ്ഥാപനങ്ങളുടെ സെക്യൂരിറ്റി മാനദണ്ഡങ്ങളും സർവൈലൻസ് സംവിധാനം കൈകാര്യം ചെയ്യാനുള്ള കഴിവുകളും ആവശ്യമാണ്.
ഫിഷ് മംഗർ / അസിസ്റ്റന്റ് ഫിഷ് മംഗർ:
ഈ തസ്തികകളിലേക്ക് കുറഞ്ഞത് ഒരു വർഷം അനുഭവപരിചയം വേണം. സീ ഫുഡ് ക്വാളിറ്റി ചെക്ക്, കട്ടിങ്, ക്ലീനിങ് എന്നിവയില് പരിചയമുള്ളവർക്ക് അവസരം.
കമ്മീസ് / ഷെഫ് ഡി പാർട്ടി / ഡിസിഡിപി:
സൌത്ത് ഇന്ത്യൻ, നോർത്ത് ഇന്ത്യൻ, ചൈനീസ് വിഭവങ്ങള് തയ്യാറാക്കുന്നതില് പരിചയമുള്ളവർക്ക് മുൻഗണന ലഭിക്കും. കൂടാതെ കണ്ഫെക്ഷണറി, സാലഡ് മേക്കർ, ജൂസ് മേക്കർ മേഖലകളിലും ഒഴിവുകള് ലഭ്യമാണ്. ബന്ധപ്പെട്ട മേഖലയില് ബിഎച്ച്എം യോഗ്യത ഉള്ളവർക്ക് മുൻഗണനയുണ്ട്.
ഫ്രഷേഴ്സിന് അവസരം ലഭ്യമായ ഒഴിവുകള്:
സെയില്സ്മാൻ / സെയില്സ്വുമണ് (20-30 വയസ്, എസ് എസ് എല് സി/എച്ച് എസ് സി)
സെയില്സ് വുമണ് - സെലിബ്രേറ്റ് ടെക്സ്റ്റൈല്സ് (20-40 വയസ്)
കാഷ്യർ (20-30 വയസ്, +2 യോഗ്യത)
റൈഡ് ഓപ്പറേറ്റർ - ഗെയിംസ് (20-30 വയസ്, എച്ച് എസ് സി/ഡിപ്ലോമ)
പരിചയം ആവശ്യമായ ഒഴിവുകള്:
ജെന്റ്സ്/ലേഡീസ് ടെയിലർ (45 വയസ്സ് വരെ)
ഹെല്പ്പർ (45 വയസ്സ് വരെ) - സ്റ്റോർ ഓപ്പറേഷൻസിന് പിന്തുണ നല്കാനാവശ്യമായ പ്രായോഗിക പരിചയം വേണം.
അഭിമുഖത്തിന്റെ തീയതിയും സ്ഥലവും
വാക്ക്-ഇൻ ഇന്റർവ്യൂ ഡിസംബർ 6-ന്, തൊടുപുഴ മുനിസിപ്പല് സില്വർ ജൂബിലി ടൗണ് ഹാളില് (ഗാന്ധി സ്ക്വയറിനടുത്ത്, പിന്കോഡ്: 685 584) രാവിലെ 10 മണി മുതല് വൈകുന്നേരം 3 മണിവരെ നടക്കും. ഉദ്യോഗാർത്ഥികള് ആവശ്യമായ സർട്ടിഫിക്കറ്റുകളും അനുഭവ പരിചയം തെളിയിക്കുന്ന രേഖകളു ബയോഡാറ്റയും കൊണ്ടുവരേണ്ടതാണ്.
ഈ അഭിമുഖത്തിനായി ഉദ്യോഗാർത്ഥികളില് നിന്നും ഫീസ് ഈടാകില്ലെന്ന് ലുലു ഗ്രൂപ്പ് അറിയിച്ചു. അഭിമുഖവുമായി ബന്ധപ്പെട്ട കൂടുതല് വിവരങ്ങള്ക്ക് careers@luluindia.com
എന്ന ഇമെയിലില് ബന്ധപ്പെടാം.
ഒരു അഭിപ്രായം പോസ്റ്റ് ചെയ്യൂ