പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയി പീഡിപ്പിച്ച കേസിൽ രണ്ടുപേരെ സേലത്ത് നിന്നും പിടികൂടി.താഴേക്കാട് സ്വദേശി വാഴക്കൂട്ടത്തിൽ വീട്ടിൽ അമൽ (25), തമിഴ്നാട് സേലം തുട്ടംപട്ടി താരമംഗലം സ്വദേശി വിശ്വഭായ് എന്ന വിശ്വ (21) എന്നിവരെയാണ് റൂറൽ പോലീസ് മേധാവി ബി. കൃഷ്ണകുമാറിൻ്റെ നേതൃത്വത്തിലുള്ള അന്വേഷണ സംഘം പിടികൂടിയത്.
പെൺകുട്ടിയെ തട്ടിക്കൊണ്ട് പോയി ചാലക്കുടി, കൊരട്ടി, തൃശ്ശൂർ, വേളാംങ്കണ്ണി, സേലം എന്നീ സ്ഥങ്ങളിൽ വെച്ച് ലൈംഗികമായി പീഡിപ്പിച്ചുവെന്നാണ് കേസ്.തമിഴ്‌നാട്ടിലെ വിവിധ സ്ഥലങ്ങളിൽ നടത്തിയ പരിശോധനയിലാണ്
പെൺകുട്ടിയുമായി ഒളിവിൽ കഴിഞ്ഞിരുന്ന പ്രതികളെ നിന്ന് കണ്ടെത്തിയത്. പ്രതികളെയും പെൺകുട്ടിയെയും ചാലക്കുടിയിലെത്തിച്ചു.
വിശ്വ സേലം പോലീസ് സ്റ്റേഷനിലെ ഒരു കവർച്ചക്കേസിലെ പ്രതിയാണ്.
ചാലക്കുടി ഡി.വൈ.എസ്.പി ബിജുകുമാർ, ഇൻസ്പെക്ടർ സജീവ്, എസ്ഐമാരായ ഋഷിപ്രസാദ്, സുനിൽകുമാർ എന്നിവരാണ് അന്വേഷണ സംഘത്തിലുണ്ടായിരുന്നത്.
ഒരു അഭിപ്രായം പോസ്റ്റ് ചെയ്യൂ