റെയില്‍വേ ട്രാക്കിലേക്ക് മണ്ണിടിഞ്ഞ് വീണ് ട്രെയിന്‍ ഗതാഗതം തടസ്സപ്പെട്ടു. ഒല്ലൂരിനും പുതുക്കാടിനുമിടയില്‍ ശനിയാഴ്ച രാവിലെ 10.30നാണ് സംഭവം. ഇതേതുടര്‍ന്ന്, നാല് ട്രെയിനുകള്‍ പിടിച്ചിട്ടു.
എറവക്കാട് ഗേറ്റിനും ഒല്ലൂര്‍ സ്റ്റേഷനും ഇടയിലായാണ് ട്രാക്കിലേക്ക് മണ്ണിടിഞ്ഞു വീണത്.
തിരുനെല്‍വേലി - പാലക്കാട് പാലരുവി എക്‌സ്പ്രസ്, എറണാകുളം - ബംഗളൂരു ഇന്റര്‍സിറ്റി, തിരുവനന്തപുരം - കോഴിക്കോട് ജനശതാബ്ദി എക്‌സ്പ്രസ്, തിരുവനന്തപുരം - ഷൊര്‍ണൂര്‍ വേണാട് എക്‌സ്പ്രസ് എന്നീ വണ്ടികള്‍ പുതുക്കാട് സ്റ്റേഷനില്‍ നിര്‍ത്തിയിട്ടു. മണ്ണു മാറ്റിയ ശേഷം ഗതാഗതം പുനഃസ്ഥാപിച്ചു.
ഒരു അഭിപ്രായം പോസ്റ്റ് ചെയ്യൂ