ഇന്റലിജൻസ് ബ്യൂറോ (ഐ.ബി.) വിവിധ സബ്സിഡിയറി ഇന്റലിജൻസ് ബ്യൂറോകളിലായി 362 മള്ട്ടി ടാസ്കിംഗ് സ്റ്റാഫ് (ജനറല്) തസ്തികകളിലേക്ക് അപേക്ഷ ക്ഷണിച്ചു.37 സബ്സിഡിയറി ഇന്റലിജൻസ് ബ്യൂറോകളിലായാണ് ആകെ 362 ഒഴിവുകളുള്ളത്. ഭിന്നശേഷിക്കാർക്കും വിമുക്തഭടന്മാർക്കും വേണ്ടിയുള്ള ഒഴിവുകള് കേന്ദ്രീകൃതമായി സംവരണം ചെയ്തിട്ടുണ്ട്. ഒഴിവുകള്, യോഗ്യത, അപേക്ഷിക്കേണ്ടത് എങ്ങനെ തുടങ്ങിയ വിവരങ്ങള് അറിയാം
ആഗർത്തല 21, അഹമ്മദാബാദ് 14, ഐസ്വാള് 11, അമൃത്സർ 27, ബെംഗളൂരു 24, ഭോപ്പാല് 31, ഭുവനേശ്വർ 17, ചണ്ഡീഗഢ് 7, ചെന്നൈ 10, ഡെറാഡൂണ് 8, ഡല്ഹി/IB Hqrs 108, ഗ്യാങ്ടോക് 18, ഗുവാഹത്തി 10, ഹൈദരാബാദ് 6, ഇംഫാല് 0, ഇറ്റാനഗർ 11, ജയ്പൂർ 0, ജമ്മു 7, കാളിംപോങ് 3, കോഹിമ 16, കൊല്ക്കത്ത 1, ലേ 11, ലഖ്നൗ 12, മീററ്റ് 12, മുംബൈ 32, നാഗ്പൂർ 12, പനാജി 2, പട്ന 16, റായ്പൂർ 4, റാഞ്ചി 2, ഷില്ലോങ് 17, ഷിംല 5, സിലിഗുഡി 6, ശ്രീനഗർ 14, തിരുവനന്തപുരം 13, വാരാണസി 3, വിജയവാഡ 3 എന്നിങ്ങനെയാണ് ഒഴിവുകള്
പ്രായപരിധി (2025 ഡിസംബർ 14 അടിസ്ഥാനമാക്കി):
18 നും 25 നും ഇടയിലാണ് പ്രായപരിധി. എസ്സി./എസ്.ടി. വിഭാഗക്കാർക്ക് 5 വർഷത്തെയും ഒ.ബി.സി. വിഭാഗക്കാർക്ക് 3 വർഷത്തെയും വയസ്സിളവ് ലഭിക്കും. 3 വർഷത്തെ സർവീസ് ഉള്ള ഡിപ്പാർട്ട്മെന്റല് ഉദ്യോഗാർത്ഥികള്ക്ക് 40 വയസ്സ് വരെയും പുനർവിവാഹം ചെയ്യാത്ത വിധവകള്, വിവാഹമോചിതരായ സ്ത്രീകള്, നിയമപരമായി വേർപിരിഞ്ഞ സ്ത്രീകള് എന്നിവർക്ക് യഥാക്രമം 35 വയസ്സ് (പൊതുവിഭാഗം), 38 വയസ്സ് (ഒ.ബി.സി.), 40 വയസ്സ് (എസ്.സി./എസ്.ടി.) വരെയും അപേക്ഷിക്കാം. വിമുക്തഭടന്മാർക്ക് സർക്കാർ നിർദ്ദേശങ്ങള് അനുസരിച്ച് വയസ്സിളവ് ലഭിക്കും. മികച്ച കായികതാരങ്ങള്ക്ക് 5 വർഷം വരെയും ഭിന്നശേഷിക്കാർക്ക് (പൊതുവിഭാഗം) 10 വർഷം, ഭിന്നശേഷിക്കാർ (ഒ.ബി.സി.) 13 വർഷം, ഭിന്നശേഷിക്കാർ (എസ്.സി./എസ്.ടി.) 15 വർഷം എന്നിങ്ങനെ വയസ്സിളവ് അനുവദിച്ചിട്ടുണ്ട്.
ശമ്പള സ്കെയില്:
ലെവല്-1 (18,000-56,900) പേ മാട്രിക്സ് പ്രകാരമുള്ള ശമ്ബളവും കേന്ദ്ര സർക്കാർ അനുവദിക്കുന്ന മറ്റ് അലവൻസുകളും ലഭിക്കും. അടിസ്ഥാന ശമ്പളത്തിൻ്റെ 20 ശതമാനം സ്പെഷ്യല് സെക്യൂരിറ്റി അലവൻസായി ലഭിക്കും. കൂടാതെ, അവധി ദിവസങ്ങളില് ജോലി ചെയ്യുന്നതിന് 30 ദിവസത്തെ വേതനം വരെ ക്യാഷ് കോമ്പൻസേഷൻ ലഭിക്കുന്നതാണ്.
കേന്ദ്ര ആഭ്യന്തര മന്ത്രാലയത്തിന്റെ വെബ്സൈറ്റായ www.mha.gov.in വഴിയോ NCS പോർട്ടലായ www.ncs.gov.in വഴിയോ ഓണ്ലൈനായി മാത്രമേ അപേക്ഷകള് സമർപ്പിക്കാൻ സാധിക്കുകയുള്ളൂ.
ആദ്യ ഘട്ടത്തില് വ്യക്തിഗത വിവരങ്ങളും ബന്ധപ്പെടാനുള്ള വിവരങ്ങളും രജിസ്റ്റർ ചെയ്യണം. രജിസ്റ്റർ ചെയ്ത ഇ-മെയില് ഐഡിയിലേക്ക് ലോഗിൻ ഐഡിയും പാസ്വേഡും ലഭിക്കുന്നതാണ്.
രണ്ടാം ഘട്ടത്തില്, ലഭിച്ച ലോഗിൻ വിവരങ്ങള് ഉപയോഗിച്ച് വീണ്ടും ലോഗിൻ ചെയ്യുക. ഇവിടെ ഉദ്യോഗാർത്ഥികള് അവരുടെ വിഭാഗം തിരഞ്ഞെടുക്കുകയും വ്യക്തിഗത വിവരങ്ങള്, വിദ്യാഭ്യാസ യോഗ്യതകള് എന്നിവ പൂരിപ്പിക്കുകയും വേണം.
ഫോട്ടോയും ഒപ്പും അപ്ലോഡ് ചെയ്ത ശേഷം, ബാധകമാണെങ്കില് പരീക്ഷാ ഫീസും "റിക്രൂട്ട്മെന്റ് പ്രോസസ്സിംഗ് ചാർജുകളും" (എല്ലാ വിഭാഗം ഉദ്യോഗാർത്ഥികളും ഇത് അടയ്ക്കണം) അടയ്ക്കേണ്ടതുണ്ട്. എസ്.ബി.ഐ ഇപേ ലൈറ്റ് വഴി നെറ്റ് ബാങ്കിംഗ്, ഡെബിറ്റ് കാർഡുകള്, ക്രെഡിറ്റ് കാർഡുകള്, യു.പി.ഐ, ചലാൻ തുടങ്ങിയ മാർഗ്ഗങ്ങളിലൂടെ ഓണ്ലൈനായി ഈ പേയ്മെന്റുകള് നടത്താം.
ഒരിക്കല് സമർപ്പിച്ച അപേക്ഷകള് പിൻവലിക്കാൻ സാധിക്കുകയില്ല. അപേക്ഷിക്കാനുള്ള അവസാന ദിവസം ഡിസംബർ 14.
ഒരു അഭിപ്രായം പോസ്റ്റ് ചെയ്യൂ