ആശുപത്രികളുടെ പ്രവർത്തനത്തിന് മാർഗനിർദ്ദേശവുമായി ഹൈക്കോടതി.എല്ലാ ആശുപത്രികളും അത്യാഹിത വിഭാഗത്തില് എത്തുന്ന രോഗികളെ പരിശോധിക്കുകയും അവരുടെ നില ഭദ്രമാക്കുകയും ചെയ്യണം..പണമില്ലെന്നതോ രേഖകളില്ലെന്നതോ ചികിത്സ നിഷേധിക്കാൻ കാരണമാകരുത്..തുടർചികിത്സ ആവശ്യമെങ്കില് സുരക്ഷിതമായി മറ്റൊരു ആശുപത്രിയിലേക്ക് മാറ്റേണ്ട ഉത്തരവാദിത്തം എടുക്കണം.ഡിസ്ചാർജ് ചെയ്യുമ്പോൾ എല്ലാ പരിശോധനാ ഫലങ്ങളും (X-ray, ECG, Scan Reports) രോഗിക്ക് കൈമാറണം..ആശുപത്രി റിസപ്ഷനിലും വെബ്സൈറ്റിലും മലയാളത്തിലും ഇംഗ്ലീഷിലും ചികിത്സ നിരക്കുകള് വ്യക്തമായി പ്രദർശിപ്പിക്കണം.ലഭ്യമായ സേവനങ്ങള്, പാക്കേജ് നിരക്കുകള്, ഡോക്ടർമാരുടെ വിവരങ്ങള് എന്നിവ ഇതില് ഉള്പ്പെടണം..രോഗികളുടെ അവകാശങ്ങള്, പരാതി നല്കാനുള്ള സംവിധാനങ്ങള് എന്നിവയും പ്രദർശിപ്പിക്കണം.എല്ലാ ആശുപത്രികളിലും ഒരു പരാതി പരിഹാര ഡെസ്ക് ഉണ്ടായിരിക്കണം..പരാതി സ്വീകരിച്ചാല് രസീതോ എസ് എം എസ്സോ നല്കണം 7 പ്രവൃത്തി ദിവസങ്ങള്ക്കുള്ളില് പരാതികള് തീർപ്പാക്കാൻ ശ്രമിക്കണം. പരിഹരിക്കപ്പെടാത്ത പരാതികള് ജില്ലാ മെഡിക്കല് ഓഫീസർക്ക് കൈമാറണം..ജസ്റ്റിസുമാരായ സുശ്രുത് അരവിന്ദ് ധർമ്മാധികാരി, ശ്യാം കുമാർ വി.എം എന്നിവരടങ്ങിയ ഡിവിഷൻ ബെഞ്ചാണ് സിംഗില് ബെഞ്ച് ഉത്തരവ് ശരിവെച്ചത്.
ഒരു അഭിപ്രായം പോസ്റ്റ് ചെയ്യൂ