തൃക്കൂർ ഗവ.എല്.പി സ്കൂളിന്റെ പുതിയ കെട്ടിടം കെ.കെ.രാമചന്ദ്രൻ എം.എല്.എ ഉദ്ഘാടനം ചെയ്തു. എം.എല്.എ.യുടെ ആസ്തി വികസന ഫണ്ടില് നിന്ന് 95 ലക്ഷം രൂപ ചെലവഴിച്ചാണ് കെട്ടിടം നിർമ്മിച്ചത്.തൃക്കൂർ പഞ്ചായത്ത് പ്രസിഡന്റ് സുന്ദരി മോഹൻദാസ് അദ്ധ്യക്ഷയായി. ബ്ലോക്ക് പഞ്ചായത്ത് പ്രസിഡന്റ് കെ.എം.ചന്ദ്രൻ മുഖ്യാതിഥിയായി. മായ രാമചന്ദ്രൻ, എല്.ജെസീമ, അജിത്ത് തുടങ്ങിയവർ പങ്കെടുത്തു. രണ്ട് നിലകളുള്ള കെട്ടിടത്തില് ക്ലാസ് മുറികളും മറ്റ് ആധുനിക സൗകര്യങ്ങളുമുണ്ട്. ഇതോടൊപ്പം സ്കൂളിലെ പുതിയ ടോയ്ലറ്റ് ബ്ലോക്കിന്റെ നിർമ്മാണോദ്ഘാടനവും നടന്നു.
ഒരു അഭിപ്രായം പോസ്റ്റ് ചെയ്യൂ