സംസ്ഥാനത്ത് ഇന്ന് വ്യാപക മഴയ്ക്ക് സാധ്യതയെന്ന് മുന്നറിയിപ്പ്. അഞ്ച് ദിവസം മഴ തുടരുമെന്ന കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയതിനാല് വിവിധ ജില്ലകളില് ഓറഞ്ച്, യെല്ലോ അലേർട്ടുകള് പ്രഖ്യാപിച്ചു.ഇന്ന് നാല് ജില്ലകളില് ഓറഞ്ച് അലേർട്ടും അഞ്ച് ജില്ലകളില് യെല്ലോ അലേർട്ടും പ്രഖ്യാപിച്ചു.ശക്തമായ മഴ മുന്നറിയിപ്പ് തുടരുന്നതിനാല് കോഴിക്കോട്, വയനാട്, കണ്ണൂർ, കാസർകോട് ജില്ലകളില് കേന്ദ്ര കാലാവസ്ഥ വകുപ്പ് ഇന്ന് ഓറഞ്ച് അലേർട്ട് പ്രഖ്യാപിച്ചു. എറണാകുളം, ഇടുക്കി, തൃശൂർ, പാലക്കാട്, മലപ്പുറം ജില്ലകളില് ഇന്ന് യെല്ലോ അലേർട്ടാണ് നല്കിയിരിക്കുന്നത്.നാളെ (28/09/2025) കോഴിക്കോട്, വയനാട്, കണ്ണൂർ, കാസർകോട് ജില്ലകളില് യെല്ലോ അലേർട്ടാണ് പ്രഖ്യാപിച്ചിരിക്കുന്നത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. വരും മണിക്കൂറില് കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് നേരിയ ഇടത്തരം മഴയ്ക്കും മണിക്കൂറില് 30 - 40 കിലോമീറ്റർ വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. സംസ്ഥാനത്ത് ഒറ്റപ്പെട്ട തോതില് കനത്ത മഴ തുടരുകയാണ്. മലയോര ജില്ലകളിലും പ്രദേശങ്ങളിലും മഴ ലഭിക്കുന്ന സാഹചര്യം തുടരുകയാണ്. ഇടിമിന്നലോടുകൂടിയ മഴയ്ക്കാണ് സാധ്യതയുള്ളത്.ഇന്ന് രാവിലെ മുതല് സംസ്ഥാനത്തെ എല്ലാ ജില്ലകളിലും ഒറ്റപ്പെട്ട മഴ ലഭിച്ചുതുടങ്ങി. എറണാകുളം, തിരുവനന്തപുരം, കോട്ടയം, പത്തനംതിട്ട ജില്ലകളില് മഴ തുടരുകയാണ്. ഒറ്റപ്പെട്ട മഴയാണ് അനുഭവപ്പെടുന്നത്. മഴ മുന്നറിയിപ്പ് തുടരുന്നതിനാല് വരും മണിക്കൂറില് മഴ കനക്കാനുള്ള സാധ്യതയാണ് കൂടുതല്. മഴയ്ക്കൊപ്പം ശക്തമായ കാറ്റിന് സാധ്യതയുള്ളതിനാല് ജാഗ്രത ആാശ്യമാണ്.ഉരുള്പൊട്ടല്, മണ്ണിടിച്ചില്, മലവെള്ളപ്പാച്ചില് സാധ്യതയുള്ള പ്രദേശങ്ങളില് താമസിക്കുന്നവർ അധികൃതരുടെ നിർദേശാനുസരണം സുരക്ഷിതമായ സ്ഥലങ്ങളിലേക്ക് മാറി താമസിക്കണം. നദിക്കരകള്, അണക്കെട്ടുകളുടെ കീഴ്പ്രദേശങ്ങള് എന്നിവിടങ്ങളില് താമസിക്കുന്നവരും അപകടസാധ്യത മുൻകൂട്ടി കണ്ട് അധികൃതരുടെ നിർദേശാനുസരണം മാറി താമസിക്കേണ്ടതാണ്.വ്യാഴാഴ്ച രാത്രിയും വെള്ളിയാഴ്ചയും സംസ്ഥാനത്ത് ശക്തമായ മഴയാണ് ലഭിച്ചത്. തിരുവനന്തപുരത്ത് കനത്ത മഴയാണ് ലഭിച്ചത്. ഇതോടെ നഗരത്തില് വെള്ളക്കെട്ട് രൂക്ഷമായി. കടകളിലും മറ്റും വെള്ളം കയറുന്ന സാഹചര്യമുണ്ടായി. നാളെവരെ കേരള - കർണാടക - ലക്ഷദ്വീപ് തീരങ്ങളില് മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഒരു അഭിപ്രായം പോസ്റ്റ് ചെയ്യൂ